|
Öllernhuus As ik an'n 12. Juli 1925 „Am Schwarzen Meer“* to Welt keem; up den Momang kann ik mi nich mehr besinnen. Ok nich an mien 1. Öllernhuus (Mietwahnung). Darvan gifft dat blots noch een Bild mit mien Öllern up den „Dachgaarn“ / Balkon mit mien lütt Süster. Darna hefft wi in „Klein Mexiko“** wahnt. Laterhen hefft de Öllern sik „selbständig“ makt. Bi „Bäcker Ahlers“ to Miete. 1932 hett mien Vadder 'n Huus köfft wat an de „Kers“ (Zwangsversteigerung) keem.
Mit up dat Bild dree van us Göörn („Panduuren“, seggt'n in Bremen ok). De middelst van de Kinner bün ik. (De Jüngste leeg noch in'e Weeg.) Denn keem 1939 den „Gröfatz A.“ sien Krieg. 1943 woor mien Öllernhuus to'n erstenmal tweibombt. Vadder hett denn wedder upboot. 1945, 14 Dage vör Kriegssluß, weern de Maler ennelk rut! Un twee Dage vör Kriegsenne woor mien Öllernhuus wedder tweischmeeten! Darna hebbt wi 3 1/2 Jahren in'n Keller huust. „Biewegelangs“ harr'n mit Uprümen to dohn. Ok „Im Volkseinsatz zum Wiederaufbau der Hansestadt Bremen.“ Naasten woor toeerst mit „Karbidkalk“ provisorisch wedder upbot. 1956 keem ik na Willemshaben, un 1961 heff ik dar denn mien „Nee Heimat“ funnen. Szü, un dar wahn ik nu noch. * "Am Schwarzen Meer" is een Straat in Bremen, an de dat „Wöchnerinnenheim“ stunn. ;-) ** "Klein Mexiko", so word een „Arbeitersiedlung“ (um 1927 boot) in Bremen-Hastedt benömt. |
